說話藝術

小吉最近喜歡用一隻巴斯光年膠水杯,幾乎每次都首選該杯子,很少用到另一隻巴斯光年瓷杯,反而我因貪方便看到這瓷杯便會拿起來用,一直不以為然。
某天小吉與我對坐着喝水時跟我說:「我有兩隻巴斯光年杯,一隻膠嘅,一隻係你用緊。」因兩隻杯子都是別人送贈,我當時真的第一次意會到他有這樣的兩隻杯子,便恍然大悟地答道:「係喎,我都唔知添。呀,同埋冇問過你就用你隻杯,唔好意思喎。」他笑著答不打緊,如此這般又過了幾天,我倆又坐在餐桌旁喝水時,小吉說:「媽媽,我有好多巴斯光年嘅嘢㗎,呢兩隻杯啦同埋睡衣都係,我真係有好多呀。」良善但愚頓的媽媽再一次認真地認同這個觀察,並繼續悠然自得地把杯子裏的東西喝完。
最後通牒發出當天,三母子圍坐桌旁喝東西,小吉劈頭就問我:「媽媽你係咪好鐘意用我隻巴斯光年杯?」我純情地答:「係呀,都幾鐘意㗎。」吉繼續道:「但係你可唔可以唔好成日用我隻杯?」我知道他發現這個媽真的需要直接對話,所以直話直說,不再轉彎抹角。我仍反抗道:「係喎,我又唔記得咗。不過你唔可以同我分享,借比我用咩?」這時小鳥按捺不住插嘴道:「你可以用,不過唔好成日用囉。」小吉即時補充:「我會同你分享,亦會借比你用,不過唔係成日都用。」

時間過得很快,已經都長大了。

20140812-084946-31786018.jpg

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s